இலங்கையின் சாலைப் பயணங்களுக்கு புதிய பாதுகாப்பு கவசம்!

Google Maps-ல் நேரடி தகவல் எச்சரிக்கைகள் — உங்கள் பயணத்தை பாதுகாப்பாக மாற்றும் புதிய வசதி 🌧️🚗

சமீபத்திய புயல் சேதத்தால் பல இடங்களில் சாலைகள் பாதிக்கப்பட்டுள்ள நிலையில், இலங்கையின் முக்கிய சாலைகளுக்கு Google Maps இல் நேரடி நிலைத் தகவல் எச்சரிக்கைகள் (Live Condition Alerts) செயல்படுத்தப்பட்டுள்ளதாக போக்குவரத்து அமைச்சர் பிமல் ரத்நாயக்க தெரிவித்துள்ளார்.

இந்த புதிய வசதி 12,000 கி.மீ. முக்கிய சாலைகளை உள்ளடக்குகிறது.

இதன் மூலம் பயணிகள் தற்போது —

✔ பாதை மூடல்

✔ சாலை பழுதுபார்ப்பு

✔ போக்குவரத்து தாமதம்

✔ விபத்து தகவல்

✔ லேன் மூடல்

✔ கட்டுமானப் பணிகள் போன்ற ஆறு வகை எச்சரிக்கைகளையும் நேரடியாக அறிந்து பயண திட்டத்தை மாற்றிக் கொள்ளலாம்.

“இப்போது நீங்கள் நேரத்தை மிச்சப்படுத்தி, தேவையற்ற நெரிசல்களையும் தாமதங்களையும் தவிர்க்கலாம்,” என்று அமைச்சர் தனது X பதிவில் கூறினார்.

மேலும், பயணத்திற்கு முன்னர் Google Maps-ஐ பார்த்து புதுப்பிக்கப்பட்ட தகவல்களை சரிபார்க்குமாறும் அவர் அறிவுறுத்தினார்.

டிசம்பர் 31 வரை பைலட் திட்டமாக இச்சேவை செயல்படும்.

சமீபத்திய திட்வா புயலால் நாட்டின் சாலைப் பாதைகள் பல இடங்களில் சேதமடைந்ததை அடுத்து இந்த நடவடிக்கை எடுக்கப்பட்டுள்ளது.